کوئٹہ: قاضی حمیداللہ کے مدارس پرچھاپہ شرمناک عمل ہے،حافظ حمداللہ

قاضی حمیداللہ کے مدارس پرچھاپہ شرمناک عمل ہے،حافظ حمداللہ

 

جمعیت علماءاسلام ضلع کوئٹہ کے امیر ،سنیٹرحافظ حمداللہ،الحاج عبدالصادق،مولابادرمحمدپرکانی،مولاناعبدالمالک سیاپاد،میداسحاق ذاکرشاہوانی اورمولاناغلام نبی محمدی نے کہاہے کہ گوجرانوالہ میں جے یوآئی سابق ایم،این،اے اورمرکزی رہنمامرحوم قاضی حمیداللہ خان کے مدارس مظاہرالعلوم اورانوارالعلوم پرپولیس اوررینجرزکے چھاپے اوراکیس طلبہ کی گرفتاری کی شدیدمذمت کرتے ہوئے کہاکہ مرحوم قاضی حمیداللہ خان کاشمارملک کے جیدعلماءکرام میں ہوتاتھاوہ جے یوآئی کے مرکزی نائب امیر،سابق ایم،این،اے اوراستادالعلماءتھے ان کے مدارس پرچھاپہ انتہائی شرمناک عمل ہے جس کی جتنی مذمت کی جائے کم ہے،انہوںنے کہاکہ اس طرح کے واقعات ناقابل برداشت ہیں اگرحکومت کوکسی مدرسے پراعتراض ہے تووہ جے یوآئی کی قیادت سے رابطہ کرے ایسے اقدامات سے نہ صرف حکومت کے خلاف نفرت بڑھے گی بلکہ اشتعال کی فضابھی پیداہوگی انہوںنے مطالبہ کیاکہ حکومت گرفتارطلبہ کورہاکرے اورآئندہ ایسے اقدامات سے گریزکرے