یہ ایک **اردو اسلامی نیوز ویب سائٹ** ہے جہاں علمائے دیوبند کے بیانات، پاکستان و بھارت کی اسلامی خبریں، کراچی، لاہور، اسلام آباد اور کوئٹہ کی تازہ اردو نیوز، مشہور مدارس و جامعات (دارالعلوم دیوبند، دارالعلوم کراچی، جامعہ بنوریہ، جامعہ فاروقیہ) کی معلومات، اسلامی کتب، رسائل اور وفاق المدارس کے نتائج مستند انداز میں شائع کیے جاتے ہیں۔

تازہ ترین
Showing posts with label مولانا نذر الرحمن. Show all posts
Showing posts with label مولانا نذر الرحمن. Show all posts

امیر تبلیغی جماعت مولانا نذر الرحمن انتقال کرگئے | Al Asir Channel

Written By Hidayat Ullah (Admin) on 19/11/2026 | 10:33 am

اہم خبریں | پاکستان

امیر تبلیغی جماعت پاکستان حضرت مولانا حاجی نذر الرحمن صاحب انتقال کرگئے

ویب ڈیسک | 17 نومبر 2026ء
حضرت مولانا حاجی نذر الرحمن رحمۃ اللہ علیہ

رائے ونڈ: تبلیغی جماعت پاکستان کے امیر اور بزرگ عالم دین حضرت مولانا حاجی نذر الرحمن صاحب 97 برس کی عمر میں انتقال کرگئے۔ ان کے انتقال کی خبر سامنے آنے کے بعد ملک بھر کے دینی و مذہبی حلقوں میں گہرے دکھ اور افسوس کا اظہار کیا جا رہا ہے۔

مولانا نذر الرحمن صاحب کچھ عرصے سے علیل تھے۔ آپ کی وفات 16 نومبر 2026ء کو ہوئی۔ آپ کی نمازِ جنازہ تبلیغی مرکز رائے ونڈ میں ادا کی گئی، جس میں ملک بھر سے علماء کرام، دینی شخصیات اور عقیدت مندوں نے شرکت کی۔

مولانا نذر الرحمن صاحب کی دینی و تبلیغی خدمات

حضرت مولانا نذر الرحمن صاحب یکم اکتوبر 1929ء کو ضلع راولپنڈی کے علاقے بلوال میں پیدا ہوئے۔ آپ کا شمار پاکستان میں تبلیغی جماعت کے ابتدائی کارکنوں میں ہوتا تھا۔ آپ نے اپنی زندگی دین اسلام کی دعوت، تعلیم و تبلیغ اور اصلاحِ معاشرہ کے لیے وقف کر رکھی تھی۔

نومبر 2018ء میں سابق امیر تبلیغی جماعت حضرت مولانا حاجی عبدالوہاب رحمۃ اللہ علیہ کے انتقال کے بعد آپ کو تبلیغی جماعت پاکستان کی امارت کی ذمہ داری سونپی گئی تھی۔ آپ نے اپنی زندگی کے آخری ایام تک دینی و دعوتی خدمات انجام دیں۔

آپ کے انتقال سے تبلیغی جماعت اور دینی حلقے ایک بزرگ عالم دین، شفیق استاد اور مخلص داعی سے محروم ہوگئے۔

علامہ غازی اورنگزیب فاروقی کا اظہارِ افسوس

حضرت مولانا نذر الرحمن صاحب کے انتقال پر ملک بھر کی دینی و مذہبی شخصیات کی جانب سے تعزیتی پیغامات کا سلسلہ جاری ہے۔ اس موقع پر مرکزی صدر سنی علماء کونسل پاکستان حضرت علامہ غازی اورنگزیب فاروقی صاحب نے بھی مولانا نذر الرحمن رحمۃ اللہ علیہ کے انتقال پر گہرے دکھ اور افسوس کا اظہار کیا۔

إِنَّا لِلّٰهِ وَإِنَّا إِلَيْهِ رَاجِعُونَ

اللہ رب العزت حضرت مولانا نذر الرحمن صاحب رحمۃ اللہ علیہ کی کامل مغفرت فرمائے، ان کے درجات بلند فرمائے اور جنت الفردوس میں اعلیٰ مقام عطا فرمائے۔ آمین یا رب العالمین۔

 

Copyright © 2011. Al Asir Channel Urdu Islamic Websites Tarjuman Maslak e Deoband - All Rights Reserved
Template Created by piscean Solutions Published by AL Asir Channel
Proudly powered by AL Asir Channel