میرانشاہ: پاکستان کے قبائلی علاقے شمالی وزیرستان میں امریکی ڈرون حملے کے نتیجے میں تین افراد شہید ہوگئے ہیں۔
ذرائع کے مطابق ڈرون حملہ شمالی وزیرستان کے صدر مقام میرانشاہ کے علاقے میر علی کے گاؤں موسکی میں کیا گیا۔
ذرائع کا کہنا ہے کہ امریکی جاسوس طیارے نے موسکی گاؤں میں ایک مکان پر دو میزائل داغے جس کے نتیجے میں 3 افراد شہید ہوگئے۔
ذرائع نے بتایا ہے کہ ڈرون حملے کے بعد بھی علاقے میں جاسوس
طیاروں کی پروازیں جاری ہیں جس کی وجہ سے علاقہ مکینوں میں خوف و ہراس پایا
جاتا ہے جب کہ امدادی کاموں میں بھی مشکلات کا سامنا ہے۔
